Мостай Кәрим — милләтебеҙҙең рухи йондоҙо

20 октябрҙә башҡорт халыҡ шағиры Мостай Кәримдең тыуыуына 105 йыл тулды. Мостай Кәрим — бөйөк башҡорт шағиры, яҙыусы, драматург, публицист, граждан һәм яугир, Бөйөк Ватан һуғышы ветераны, күп хәрби һәм хеҙмәт ордендары һәм миҙалдары кавалеры, күренекле йәмәғәт эшмәкәре. Башҡорт халҡының данлы улы Мостай Кәрим — донъя әҙәбиәте хазинаһына сикһеҙ ҙур өлөш индергән шәхес. Ул башҡорт әҙәбиәтен яңы бейеклектәргә күтәргән, бөгөнгө Башҡортостандың ҡабатланмаҫ образын һүрәтләүгә үҙенең бар көсөн һәм талантын бағышлаған. Уның китаптары тиҫтәләрсә телдәргә тәржемә ителгән. Аҡыллы һүҙе халыҡ араһында ҡайтауаз булып яңғыраны, һәм ул һәр кем өсөн туғанындай яҡын кеше булып ҡалды. Халыҡ уны юғары әҙәби маһирлығы, таланты һәм кешелек сифаттары өсөн яратты.

23 октябрҙә Биксән ауыл китапханаһы һәм мәҙәниәт йорто хеҙмәткәрҙәре мәҙәниәт йортонда Башҡортостандың халыҡ шағиры Мостай Кәримдең тыуыуының 105 йыллығына арналған «Милләтебеҙҙең рухи йондоҙо» исемле шиғыр бәйгеһе үткәрҙе. Сара барышында шағир тураһында күп ҡыҙыҡлы мәғлүмәт еткерелде, йыйылыусылар әҙиптең тормошо һәм ижад юлы менән яҡынданыраҡ танышты. Бәйгенең ҡатнашыусылары Мостай Кәримдең шиғырҙарын һәм йырҙарын башҡарып, уның ижадын хөрмәтләп, уның исемен мәңгеләштереүгә үҙ өлөшөн индерҙе.

Сығанаҡ: Биксяновский СДК

Ранее мы сообащли о том, что В Иткуловском сельском многофункциональном клубе состоялся мастер класс “Танцевальный марафон”