Маҡар ауылы мәҙәниәт йортонда мауыҡтырғыс квест ойошторолдо

14 август   – Халыҡ-ара юл хәрәкәте ҡағиҙәләре көнө. Был дата айҡанлы Маҡар мәҙәниәт йортонда балалар өсөн мауыҡтырғыс квест ойошторолдо.

Сараның маҡсаты – балаларҙың юл-транспорт травматизмын иҫкәртеү, балалар ҡатнашлығындағы авариялар һанын кәметеү.

Квест – инглиз теленән “эҙләү, мажара, һынау” тигәнде аңлата.

Ике команда серле урындарға йәшерелгән мәсьәләләрҙе систе, юл билдәләренең тәғәйенләнешен аңлатты, төрлө ситуацияларҙан сыҡты. Ә серле урындарҙы табыу еңел булманы – улар гөл төбөнә лә, башлыҡ эсенә лә, ултырғыс аҫтына ла, һәйкәл янына ла һ.б. йәшерелгән. Биремдәрҙе сисә – сисә, финишҡа беренсе булып килеп еткән команда еңеүсе тип табылды.

Иң мөһиме – балалар ғүмерҙе ҡурҡыныс аҫтына ҡуйырға ярамай, шуға ла юл хәрәкәте ҡағиҙәләрен үтәргә, һәр саҡ иғтибарлы булырға кәрәк тигән һығымтаға килде.

Мажаралы квестан һуң, балалар светофор төҫтәрендәге торт менән тәмләп сәй эсте.

Сығанаҡ: https://vk.com/nkofsrmakar