Үрге Әрмет ауылы мәҙәниәт йортонда “Ғаилә — йәшәү усағы” кисәһе уҙғарылды

Үрге Әрмет мәҙәниәт йортонда Ғаилә йылы сиктәрендә “Ғаилә — йәшәү усағы” исемле кисә уҙғарылды. Сарала ике йәш ғаилә – Хафизовтар һәм Гәббәсовтар ҡатнашты. Кисә конкурс формаһында үтте.

Уйындар барышында ғаиләләр ребус һәм кроссворд сисеү, пазл йыйыу, картуф һәм һуғанды салатҡа турау, шулай уҡ ҡаҙаҡ ҡағыуҙа үҙ көстәрен һынаны. Шулай уҡ, ҡатнашыусылар алып барыусы биргән һорауҙарға яуап бирҙе һәм мәҡәлдәр тураһында һорауҙарға яуап бирҙе.
Кисә бергәләп сәй эсеү менән тамамланды.

Бындай саралар ғаилә берлеген нығыта һәм йылы мөхит булдыра.

Сығанаҡ: «Үрге Әрмет мәҙәниәт йорто» төркөмө