Ҡанаҡай ауылының үҙешмәкәр артистары Урман-Бишҡаҙаҡ ауылында сығыш яһанылар

Ҡанаҡай ауылының  үҙешмәкәр артистары ҙур концерт программаһы менән Урман-Бишҡаҙаҡ ауылына барып ҡайтты. Ҡанаҡайҙар йыр-моңға маһир. Йырсылар ҙа, бейеүселәр ҙә, һүҙ оҫталары ла күп беҙҙә. Иркәбаев Хәбирә, Ильясова Хәлиҙә, Ғәлина Алмабикә, Кинйәбаева Райхана, Халиков Хәмит моңло тауыштары менән тамашасыларҙы әсир итте. Мәҙәниәт йорто бейеү ансамбленең дәртле бейеүҙәре халыҡҡа бик оҡшаны. Һәр бейеү көслө алҡыштарға күмелде. Ансамблдең бейеүселәре Ғәлиуллина Әлфирә, Әминева Рәзилә, Зиганбаева Айһылыу, Төхвәтуллина Миннинур, Янбаева Гүзәл тамашасыларҙың күңелен яуланы.

Беҙҙең концертты шулай йылы ҡабул иткән Ҡарайған ауылынан килгән тамашасыларыбыҙға айырым рәхмәтебеҙҙе белдерәбеҙ! Ошо көндәрҙә Стәрлебаш районына ла концерт алып барырға йыйынабыҙ.
Гөлсәсәк Шәрипова.

Сығанаҡ: «Торатау» гәзите